Watu Wawili Waponea Baada ya Ndege Walimokuwa Wakisafiria Kuanguka

• Mamlaka ya KCAA ilithibitisha kwamba ndege hiyo aina ya Cessna C337 yenye nambari ya usajili 5Y-VPB ilianguka katika Vilima vya Chyulu
• Shirika hilo lilitangaza kuwa limeanzisha uchunguzi ili kubaini kiini cha ajali hiyo

Watu wawili walinusurika kifo kwa tundu la sindano Jumatano, Agosti 25 baada ya ndege walimokuwa wakisafiria kuanguka katika Vilima vya Chyulu kaunti ya Makueni.

Ripoti iliyotolewa na Mamlaka ya Usafiri wa Anga ya Kenya (KCAA) ilithibitisha kwamba ndege hiyo aina ya Cessna C337 yenye nambari ya usajili 5Y-VPB ilianguka karibu na Oldonyowas.

Watu wawili ambao walikuwa ndani ya ndege hiyo walipata majeraha na walisafirishwa kwa ndege nyingine hadi hospitalini jijini Nairobi kwa matibabu.

"Ndege hiyo ilikuwa na watu wawili na ilikuwa imetoka kwenye uwanja wa ndege wa Orly Kajiado saa sita mchana ikielekea Diani, kaunti ya Kwale," mkurugenzi mkuu wa KCAA Gilbert Kibe alisema.

Shirika hilo lilitangaza kuwa limeanzisha uchunguzi ili kubaini kiini cha ajali hiyo. Uchunguzi huo utaongozwa na Idara ya Upelelezi wa Ajali za Anga katika Wizara ya Uchukuzi.

"Uchunguzi umeanza kupitia Idara ya Upelelezi wa Ajali za Anga (AAID) inayomilikuwa na Wizara ya Uchukuzi," KCAA ilidokeza.

Mwezi jana TUKO.co.ke iliripoti kuwa rubani mmoja alipoteza maisha yake baada ya kuhusika kwenye ajali ya ndege katika msitu wa Eburu eneo la Jerusalem, Ndabibi mjini Naivasha.

Ndege hiyo ambayo ilikuwa imewabeba abiria watatu ilianguka Julai 12 na kuwaka moto, ilikuwa imetokea uwanja wa ndege wa Wilson ikielekea Lodwar.

Abiria wawili waliachwa na majeraha mabaya na walikimbizwa katika hospitali ya kata ndogo ya kaunti ya Naivasha.

Ajali hiyo ilijiri mwezi mmoja baada ya ndege ya kikosi cha ulinzi cha KDF aina ya MI 17 iliyokuwa kwenye zoezi la mafunzo eneo la Ol Tepesi kaunti ya Kajiado kuanguka na kuwaka moto.

Msemaji wa kikosi cha KDF Zipporah Kioko alisema abiria waliokuwemo kwenye ndege hiyo walitambulika wote, 13 walifariki dunia na 11 kunusurika kifo.

"Tunasikitika kwamba kufuatia ajali hiyo tuliwapoteza baadhi ya wanejeshi wetu. Kwa sasa tunawasiliana na familia zao kuwajulisha kuhusu wapendwa wao na kutoa pole zetu," Kioko aliambia wanahabari.

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia news@tuko.co.ke au WhatsaApp: 0732482690.

Tazama Video Kemkem za Kusisimua Kutoka hapa TUKO.co.ke.

Chanzo: TUKO.co.ke

ncG1vNJzZmijmajEorTIpaBnrKWgvG%2BvzmeinmdkZ4B5fpBmrpqspWLEosPIpaBmr5GlvK%2BxwGaZmpmUlnq6rYynm56flWLEorjIpqakraeWerityqKqmp6Zp7aiecqumKefpaCub7TTpqM%3D